ERES MI GALLO
- Un Mondo a colori
RIVISTA DI CULTURA & SOCIETÀ
Proprietà Fondazione Pina Alessio Onlus
Direttore Editoriale Giuseppe Alessio
Direttore Responsabile Domenico Latino
Haju ‘nu gghjommaru
e non lu pozzu srogghjri,
non ‘ngagghju lu capu
pe’ ‘ncuminciari.
Si ‘ngruppa e si ‘mbrogghja,
aluccà lu trovai…
lu perdu di l’occhi:
mannaja lu fusu cu li cunocchi!
Si spila la lana, non ‘mboli m’accozza,
no’ capu e no’ cuda,
no’ juncu e no’ guda.
No’ agneri, no’ crapi,
no’ zzuccu, no’ lupu,
no’ pedi di castagnara.
N’ umbra mi pari ca vitti:
mo’ ‘ngagghju lu filu
e ‘ncuminciu a filari.
Su tanti li guai e cchiuni
li sumposturi .
Lu megghju di l’amici
no’ tindi duna cori!
Vozzi mu m’aiuta c’unu santu
si misi mu lu sbrogghja
e lu ‘mbrogghjau,
si misi mu lo srogghj
e cchiuni lu ‘ncorizzau!
Ma moni si ‘ngruppau
e non c’eni cchiù riparu
si ‘mbrogghja, si cuzza
lu sbrogghju, si spila
si metti a corizza
lu capu cchiù no’ ‘mpila!
Fondazione Pina Alessio Onlus
C.F. 91022110802 - P.Iva 02819850807
SEDE LEGALE
Via Belvedere, 24
89013 Gioia Tauro (RC)
SEDE SECONDARIA
Via Rea Silvia, 43
00042 Anzio (RM)
Iscrizione al registro Stampa del Tribunale di Palmi n. 2 del 31/10/2013
